साउन ३१, एजेन्सी – म्याड्रिडले स्पेनिस ला लिगामा सानदार सुरुवात गरेको छ । रियलले डिपोर्टिभो एलाभेसमाथि उसकै मैदानमा ४–१ को सानदार जित निकाल्दै नयाँ सिजनमा जितसहित सुखद सुरुवात गरेको हो ।
स्टेडियो डि मेन्डीजोरोज्जा भिटोरिया गास्टेइजमा शनिबार राति भएको खेलको ४८औं मिनेटमा बेन्जेमाले गोल गर्दै अग्रता दिलाए । ५६औं मिनेटमा नाचो फर्नान्डेसले गोल गर्दै रियलको अग्रता दोब्बर पारे । ६२औं मिनेटमा बेन्जेमा व्यक्तिगत दोस्रो तथा टोलीका लागि तेस्रो गोल गर्यो । खेलको ६५औं मिनेटमा जोसेलुले गोल गदै खेललाई ३–१ को अवस्थामा ल्याउदै एलाभेसलाई खेलमा फर्कने संकेत दिए ।
इन्ज्युरी समयको थप गरिएको दोस्रो मिनेटमा सव्सिच्युट ब्राजिली विंगर भिनि जुनियरले गोल गर्दै रियललाई ४–१ को फराकिलो जित दिलाए ।