फागुन १९, एजेन्सी – इंग्लिस प्रिमियर लिग फुटबलअन्तरगत गएराति सम्पन्न खेलमा शीर्ष स्थानको म्यानचेस्टर सिटीले सहज जित निकालेको छ । सिटीले उल्भ्सलाई ४–१ गोल अन्तरले पराजित गरेको हो ।
घरेलु मैदानमा सिटीलाई जित दिलाउन गाब्रियल जिससले दुई गोल गरे । रियाद महरेजले एक गोल गर्दा एक गोल आत्मघाती उपहार पाएको थियो । उल्भ्सका कोर्नर कोडीले एक गोल फर्काउदा लिन्डर डेनडोनकरले आत्मघाती गोल गरे ।
जितसँगै सिटीले लिगमा दोस्रो स्थानको म्यानचेस्टर युनाईटेडविरुद्ध १५ अंकको अग्रता समेत बनाएको छ ।