माघ २२, काठमाडौं – नेपाल कम्युनिष्ट पार्टी प्रचण्ड-माधव नेपाल समूहले आह्वान गरेको आमहड्ताल साँझ ५ बजेबाट सकिने बताइएको छ।
केन्द्रीय पार्टी कार्यालय सचिव गंगालाल तुलाधरले ५ बजेपछि आमहड्ताल सकिने बताए।
प्रधानमन्त्री केपी शर्मा ओलीले संवैधानिक आयोगहरूमा नियुक्ति गरेपछि प्रचण्ड-माधव समूहले आमहड्ताल घोषणा गरेको थियो। साँझ ५ बजेबाट यातायातका साथै सबै क्षेत्रको हड्ताल सकिने तुलाधरले बताए।
५ बजेबाट लामो तथा छोटो दूरीका सबै साधन पूर्ववत् सञ्चालन हुनेछन्। उक्त समूहले तत्कालै नयाँ आन्दोलन घोषणा गरिसकेको छैन। प्रतिनिधिसभा विघटपछि प्रचण्ड-नेपाल समूह आन्दोलित छ।