असार १३, काठमाडौं –नेपाल कम्युनिष्ट पार्टी (नेकपा) को जारी स्थायी कमिटी बैठकमा राष्ट्रिय सहमति कायम गरी नेपालको नक्सामा समावेश गरिएको भूमि कूटनीतिक माध्यममार्फत भारतसँग वार्ता गरी फिर्ता ल्याउनुपर्नेमा जोड दिइएको छ ।
बुधबारदेखि जारी नेकपाको स्थायी कमिटीको बैठकमा बोल्ने अधिकांश नेताहरुले राष्ट्रियता, सार्वभौसत्ता, अखण्डताका विषयमा कोही कसैसँग सम्झौता हुनै नसक्ने र नेपालको भूमिमाथि कुनै पनि प्रकारको गतिविधि सह्य नहुने बताएका छन् ।
केही दिनअघि मात्रै सरकारले संविधान संशोधनमार्फत मिचिएको भूमिसमेत समावेश गरी अद्यावधिक राजनीतिक तथा प्रशासनिक नक्सा संविधानको अनुसूचीमै समावेश गरिसकेको छ ।
‘संविधानले नै निदृष्ट गरेको नेपालको भूमिलाई राष्ट्रिय एकताद्वारा भूमि प्राप्त गर्ने विन्दुसम्म पु¥याउनुपर्छ भन्नेमा स्थायी कमिटी सदस्यहरुको जोड रह्यो’ बैठकपछि पत्रकारसँग कुरा गर्दै प्रवक्ता नारायणकाजी श्रेष्ठले बताए ।
नेपालको सीमा अतिक्रमण र सीमासम्बन्धी रहेको कार्यसूचीमाथिको छलफलमा भाग लिँदै २१ जना सदस्यले धारणा राखेका थिए ।
फाइल तस्बीर