जेठ १२,पोखरा – पोखरा लेखनाथ महानगरपालिकाको मेयरमा नेकपा एमालेका उमेद्वार मानबहादुर जिसीको बिजय निश्चित भएको छ। वडा नम्बर ३२ र ३३ को नतिजा घोषणा नगर्दै उनको मत अन्तर बढी भए पछि जित निश्चितत भएको हो ।
उनले वडा नम्बर ३१ सम्ममा ५५ हजार ५ सय ७५ मत ल्याएका छन् भने नेपाली कांग्रेसका रामजी कुँबरले ४२ हजार ४ सय ४५ मत ल्याएका छन्। जिसी १३ हजार १ सय ३० मतले अगाडि छन्। अब गन्न बाँकी रहेको वडा नम्बरको ३२ र ३३ मा जम्मा ९ हजार ८ सय ६३ मत खसेको छ ।
कुँबरलाई त्यो सबै मत पाए पनि हार निश्चित भएको छ। त्यसै गरि उपमेयरमा पनि एमालेकी मन्जु देवि गुरुङको पनि जित निश्चित भएको छ । उनले अहिले सम्म ५१ हजार १ सय ८८ मत प्राप्त गरेकी छन् भने नेपाली कांग्रेसकी सरस्वती गुरुङले ४० हजार ४ सय ८० मत प्राप्त गरेकी छन्।