जुनी फेर्दैछ बागमती

चैत २८, काठमाडौं– कलकल बगिरहेको नदी। सफा अनि कञ्चन पानीमा चलमलाइरहेका माछा। दुवै किनारमा सुन्दर र मनमोहक बगैंचा। आकर्षक साइकल लेन, चिटिक्क मिलेका विश्रामस्थल। दुवैतर्फ सुन्दर सडक।

यो वर्णनले तपाईलाई कुनै युरोपेली देशको झल्को आयो होला। तर यो दृश्य काठमाडौंमै सम्भव हुनसक्छ, पाँच वर्षपछि। सरकारले बागमती नदी क्षेत्रलाई यस्तै रोचक र मनमोहक बनाउने योजना अघि सारेको छ।

बर्खाका चार महिनाबाहेक निकै थोरै मात्रा पानी बग्ने बागमतीमा यो कसरी सम्भव छ तरु बागमती सुधार आयोजना प्रमुख आशिषभद्र खनाल भन्छन्–पानी सुकेर मृत अवस्थामा पुगिसकेको बागमतीमा बहाब बढाउन सुन्दरीजलको माथिल्लो क्षेत्रमा दुईटा बाँध बनाउने काम अघि बढिरहेको छ।’

बाँधमा संकलित पानी बर्खाबाहेकका ८ महिना घुँडासम्म आउने गरी बागमतीमा छाडिने उनले जानकारी दिए। आयोजना प्रमुख खनालका अनुसार पाँच वर्षभित्रमा बागमतीको मुहार फेर्न ३ अर्ब ५० करोड रुपैयाँभन्दा बढीको लागतमा सरकारका तीन निकायले धमाधम काम गरिरहेका छन्।

एसियाली विकास बैँकको ऋण तथा सहयोग र सरकारको लगानीमा पाँच वर्षे ुबागमती रिफर बेसिन इम्प्रुभमेन्छट प्रोजेक्टु अन्तर्गत सुधारकार्य थालिएको उनले वताए। सन् २०२१ भित्र सम्पन्न हुने उक्त परियोजनामा एडिबीको २ अर्ब ५० करोड रुपैयाँ ऋण, ४० करोड ५० लाख सहयोग र सरकारको ६० करोड रुवैयाँ लगानी छ। (नागरिक दैनिकबाट)