चैत २८, काठमाडौं– वन्यजन्तुको उपचार र उद्धारका लागि चितवनको आँपटारीमा वन्यजन्तु अस्पताल निर्माण हुने भएको छ।
घाइते, टुहुरा, अपाङ्ग तथा समस्याग्रस्त वन्यजन्तुको उपचार र व्यवस्थापन गर्ने उदेश्यले दियालो बंगलासँगै जोडिएको क्षेत्रमा वन्यजन्तु अस्पताल बनाउने तयारी गरिएको हो।
यस्तो अस्पताल मुलुककै पहिलो हुनेछ। चितवन मेडिकल कलेजले भवनसमेत निर्माण गरेर हाल प्रयोगविहीन अवस्थामा रहेको संरचनालाई अस्पतालका रुपमा सञ्चालन गर्ने तयारी गरिएको हो। विगत ३ वर्षदेखि त्यहाँका साना ठूला २१ वटा भवन प्रयोगमा नआएको वन कार्यालय चितवनले जनाएको छ।
कलेजले मन्त्रिपििरषदको स्वीकृति लिएर करिब एक दशक प्रयोग गरेको संरचनाले कानुनी मान्यता नपाएपछि प्रयोगविहीन छ। अस्पतालका लागि प्रस्ताव गरिएको जग्गा र त्यहाँ निर्माण भएको भवन हाल जिल्ला वन कार्यालयकै स्वामित्वमा छ। (नेपाल समाचार पत्र दैनिकबाट)