चैत १७, काठमाडौं – एमाले अध्यक्ष एवं प्रधानमन्त्री केपी शर्मा ओलीले पार्टीको साटो गुट चलाएको भन्दै वरिष्ठ नेता माधवकुमार नेपाल पक्षले आरोप लगाएपछि नेताहरुबीच चर्काचर्की भएको छ।
प्रधानमन्त्री निवास बालुवाटारमा मंगलबार भएको एमाले स्थायी समिति बैठकमा उपाध्यक्ष युवराज ज्ञवाली, अष्टलक्ष्मी शाक्य,उपमहासचिव घनश्याम भुसाल, सचिव योगेश भट्टराई, गोकर्ण विष्ट, स्थायी समिति सदस्य सुरेन्द्र पाण्डेलगायतले अध्यक्ष ओलीले गुटबन्दी गरेको भन्दै आक्रोश पोखेका थिए। पार्टी चलाउने जिम्मा पाएपनि अध्यक्षले गुटमात्र चलाएको भन्दै सचिव भट्टराईले आलोचना गरेका थिए।
उपमहासचिव भुसालले सत्ता र शक्त्किो दुरुपयोग गरेर गुट भेला गरेको भन्दै आपत्ति जनाएको स्रोतले बतायाृे। मदन भण्डारी प्रतिष्ठानका नाउँमा हालै राजधानीमा भएको भेलाप्रति पनि उनले असन्तुष्टि जनाए।
सबैको आलोचना सुनेपछि प्रधानमन्त्री एवं पार्टी अध्यक्ष ओली निकै कड्किएका थिए। उनले आफूलाई असफल पार्न प्रयास गर्नेहरुले नै गुटबन्दी गरेको आरोप लगाएका थिए। (अन्नपूर्ण पोस्ट दैनिकबाट)