फागुन ६,काठमाडौँ- उत्तरपूर्वी साउदी अरेबियामा सोमबार राति भएको एक सैनिक हेलिकोप्टर दुर्घटनामा चालकदलका चार सदस्यको मृत्यु भएको प्रतिरक्षा मन्त्रालयले जानकारी दिएको छ ।
सैनिकहरुलाई राति तालिम दिइरेहेको अवस्थामा सो दुर्घटना भएको जनाइएको छ । इराकी सीमादेखि एक सय किलोमिटर दक्षिणमा अवस्थित तालिम क्षेत्रमा सो दुर्घटना भएको साउदी समाचार समिति एसपीएले जनाइएको छ ।
यस दुर्घटनाको कारणका बारेमा केही बताइएको छैन । तर सो हेलिकोप्टरको दुर्घटनामा कुनै वाह्य कारण नरहेको र तालिम दिइरहेका बेला नै सो दुर्घटना भएको बताइएको छ ।