कात्तिक २९, काठमाडौ-प्रधानमन्त्रीसहित सरकारका २४ मन्त्री र उनीहरुको सचिवालयका कर्मचारीको तलब, भत्ता लगायतको सुविधामा मासिक ५६ लाख रुपैंयाँ खर्च हुने गरेको छ । प्रधानमन्त्रीबाहेक २३ मन्त्रीले सवै सुविधा प्रयोग गर्दै आएका छन् । नयाँ पत्रकिा दैनिकमा समाचार छ ।
प्रधानमन्त्रीसहित २४ जना मन्त्रीको स्वकीय सचिवालयमा हाल एक सय ८१ जना पदाधिकारी तथा कर्मचारी कार्यरत छन् । प्रधानमन्त्री र मन्त्रीसहित ती कर्मचारीको तलब, भत्तालगायतका सुविधामा मासिक ५६ लाख पाँच हजार चारसय रुपैंयाा खर्च हुने गरेको प्रधानमन्त्री तथा मन्त्रीपरिषद कार्यालयले जनाएको छ ।
प्रधानमन्त्री सुशील कोइरालाले स्वकीय सचिवालयमा सल्लाहकार, सहयोगीसहित ४५ जना कर्मचारी भर्ना गर्न पाउाछन् । तर उनले २० जना मात्रै कर्मचारी राखेका छन् । दुई उपप्रधानमन्त्रीले आठ(आठ जना कर्मचारी राखेका छन् भने २१ मन्त्रीले स्वकीय सचिवालयमा सात-सात जना कर्मचारी भर्ना गरेका छन् ।