फागुन ९, काठमन्डौं– संविधानसभा तथा व्यवस्थापिका–संसद अन्तर्गतका समितिहरू कति बनाउने भन्नेलगायतका विषयमा टुंगो लगाउन संविधानसभा नियमावली २०७० तयार गर्न गठित मस्यौदा समितिको बैठक आज पनि बस्दैछ । दिउँसो सिंहदरबारमा बस्ने बैठकमा संविधानसभा तथा व्यवस्थापिका–संसद अन्तर्गतका समितिहरू कति बनाउने भन्ने विषयमा टुंगो लाग्ने समितीका एक सदस्यले जानकारी दिए । संविधानसभा नियमावली २०७० तयार गर्न गठित मस्यौदा समितिले अघिल्लो पटकको भन्दा कम सङख्यामा राख्ने गरी सिफारिसको तयारी गरिरहेको बुझिएको छ । माघ २९ गते गठित ४९ सदस्यीय मस्यौदा समितिले काम सुरु गरेको अवधिदेखि १० दिनभित्र मस्यौदा तयार गरिसक्नु पर्ने समयसीमा ताकिएको छ ।
