असोज २७, काठमाडौं – नेपाल र चीनबीच चिनियाँ बैंकका शाखा नेपालमा विस्तार गर्ने सहमति भएको छ ।
चिनियाँ राष्ट्रपति सी जिनफिङको नेपाल भ्रमणपछि जारी गरिएको संयुक्त वक्तव्यमा चिनियाँ बैंकका शाखा नेपालमा विस्तार गर्न नेपालले सहजीकरण गर्ने विषयमा समझदारी भएको हो।
दुई देशबीचको व्यापार र लगानीमा सहजता ल्याउन चिनियाँ बैंकका शाखा नेपालमा विस्तार गर्न लागिएको उल्लेख छ।
चिनियाँ बैंकको उपस्थितिले नेपालमा चिनियाँ लगानी तथा व्यापारमा सहजता ल्याउने भन्दै दुई पक्षबीच यस्तो सम्झौता भएको बताइएको छ ।