चानक त्रिखत्री
केहि नपाएर पनि सबै थोक पाउनेले?
या
सबै थोक गुमाएर पनि केहि नपाउनेले?
सांस लिदा वा रोक्दा?
मुटुमा रगत बग्दा वा रोकिदा?
म छु वा छैन?
छु त कहाँ छु?
छैन त कहाँ हुनुपर्थ्यो?
म हाँसी पनि रहेको छु ओंठहरु सुकाएर
रोएको पनि छु परेला नभिजाएर
कसले बुझ्यो जिन्दगी?
मेरो मुटु वरिपरि के छ?
सांसरिक देह धकेलेकै छ
सोध्दैन मलाई !
म कसरी बाँचेको छु?
बँचेको छु कि ……………..
हरेक पटक बँच्न खोज्छु
वरिपरि काँडाहरु छन्
घोच्छन्
तर पनि आँसु आँखाको क्षितिज मै राखेको छु ।