कात्तिक २, काठमाडौं – बसपार्कमा जथाभावी रुपमा यात्रु तानातान गरेपछि जरिवाना तिर्नुपर्ने भएको छ । वीरेन्द्रनगर नगरपालिकाले निर्माण गरेको बसपार्क व्यवस्थापन कार्य्विधि ०७६ मा यात्रुमैत्री व्यवहार नगरेमा ५०० जरिवाना तिनुपर्ने व्यवस्था गरिएको छ ।
वीरेन्द्रनगरमा रहेको नवनिर्मित बसपार्कलाई व्यवस्थितरुपमा सञ्चालन गर्नको लागि वीरेन्द्रनगर नगरपालिकाले बसपार्क सञ्चालन कायबिधि निर्माण गरेको हो । कार्य्विधि अनुसार बसपार्क्भित्र सवारीसाधनको साथै टिकट काउण्टरको तथा पसलको व्यवस्थापनको लागि विभिन्न शुल्कको व्यवस्था गरिएको छ ।
त्यसैगरी तोकिएको स्थानमा पार्किङ, नगर्नुका साथै बसपार्क्भित्र ट्राफिक नियमपालना नगरेमा एक हजार जरिवाना तिर्नुपर्ने भएको छ । साथै गल्ती दोहोरिएमा दोब्बर जरिवाना बुझाउनु पर्नेछ ।
लामो दूरीमा चल्ने ठूला सवारीसाधनको लागि १००, लामो दूरीमा चल्ने साना सवारीसाधन र छोटो दूरीमा चल्ने ठूला सवारीसाधनको ५० र छोटो दूरीमा चल्ने साना सवारीसाधन ३० प्रवेश शुल्क निर्धारण गरिएको छ । बसपार्कमा रात बिताउनु पर्ने बसको २०० र माइक्रो बसको १५० शुल्क निर्धारण गरिएको छ ।
बसपार्कको सञ्चालन तथा व्यवस्थापनमा सहयोग गर्नुका साथै बसपार्कलाई सही ढङ्गबाट व्यवस्थापन गरी नगरको सौन्दर्य वृद्धिमा सहयोग गर्ने उद्देश्यले कार्य्विधि निर्माण गरिएको हो । बसपार्क व्यवस्थापन तथा अनुगमन गर्नको लागि नगरप्रमुखको अध्यक्षतामा पाँच सदस्यीय समिति गठन गरिएको छ ।